Abschied Gina 9. Juli 2020

Liebi Gina

Mir findeds ali nöd zum Lache

Was sölled mir jetzt ohni Gina mache

Sit vilne Jahr leitisch Du mit viel Könne und Pep

Wüchentlich „euses“ g’liebti Step

Studiersch für eus neui Choreo’s uus

Die choschted eus dänn viel Schweiss und Pfuus

S Chürzerträtte häsch Du Dir schwer verdient

Für all Dis Engagement mir vor Dir de Huet ziend

Die abwächsligsriiche und spannende Lektione werded mir in Erinnerig bhalte

Dank Dir hämmer eus geistig und physisch prima g‘halte

Falls Dir am Dunschtig morge öppis fählt und Du eus würsch vermisse

Dänn lueg doch mal ine – wo s’Gumpi isch, wirsch ja no wisse 😉

Mir wünsched Dir e gueti Ziit ohni Musig zämestele und Choreos iistudiere

Vilicht wettsch ja mit de g‘wunnige Freiziit öppis Neus usprobiere

B’halt Dini Fitness und G’sundheit, für alles was Dir staht bevor

Und vor allem: gang wiiterhin durs Läbe mit viel Humor

Zum Abschied tüemer Dir gern für es feins Ässe en Guetschii schänke

Mir Step-Fraue werded immer gern a d’Ziit mit Dir zrugg dänke